Elisabeth Eybers -“As iemand klein is…”

Illustrasie: Die skipper, Adriaan Boshoff

“As iemand klein is, is daar altyd Iets…”
Klein Albert staan wydsbeen voor my en praat:
sy donker oë is vir sy smal gelaat
driekeer te groot, sy hofie is te swaar
bokant die stingel van sy keel,
die las van te-moet-man-word is te veel
vir die verweer van drie-en-driekwart jaar,
sy stemmetjie is nog, vir die gewig
van sy verhaal, te sangerig en lig.
“As iemand klein is, is daar altyd Iets
wat hom wil gryp.. Wat lag jy, Mamma? –Ag,
as iemand iets vertel moet mens nie lag! –
Maar nou is ek verskriklik groot… Wat hou
jy my so vas? Ek sê mos nou vir jou
hoe groot is ek… O, Mamma, jou geisg
lyk baie snaaks! As jy jou oë knip
dan mors daar so ‘n groot traan op jou wang!

…As iemand klein is, is daar altyd Iets…
Dit was altyd so half agter my rug,
mens kon dit nooit eers raakgooi met ‘n klip –
Maar as mens groot is, word mens nooit meer bang!”

Tussensang
1945

Advertisements

Kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s